Бугарската полиција уапси над 40 лица на протестот во Софија

Над 40 лица беа уапсени за време на вчерашниот протест на опозицијата во главниот град на Бугарија, соопшти Полициската управа во Софија.

Приведените, како што јавуваат бугарските медиуми, се претежно од групите облечени во црно и со качулки.

Вчерашниот протест поминал без инциденти. Во одреден период од протестот луѓе со маски и качулки се обиделе да запалат контејнери, но тензијата била брзо смирена.

Кај приведените биле пронајдени пиротехнички средства, спрејови и маски. Некои од уапсените биле и без лични документи, соопшти полицијата во Софија.

Кај двајца од приведените на контролните пунктови околу протестот во биле пронајдени големи суми пари. Полицијата соопшти дека продолжува со истрагата.