Црна Гора се подготвува при крајот на годината да спроведе попис

Црна Гора се подготвува при крајот на годинава да спроведе попис. Конечниот датум ке се знае по утрешната владината седница.

Комисијата за економска политика и финансиски систем на Владата на Црна Гора предложи пописот на населението да се одржи од 1 до 15 ноември годинава.

Како што информираат од Владата за РЦГ, датумот зависи од утрешната владина седница и дали ќе има некакви промени, но тие не се очекуваат. Со седницата на Владата ќе претседава премиерот во техничкиот мандат Дритан Абазовиќ. На 12 декември минатата година Собранието со гласовите на пратениците од парламентарното мнозинство го донесе Законот за попис на населението.

Тројца пратеници беа против донесувањето на тој акт, а еден воздржан. Министерот за финансии Александар Дамјановиќ претходно изјави дека пописот на жителите, домаќинствата и становите може да се одржи најрано во мај следната година