Доналд Трамп Јуниор, синот на американскиот претседател Доналд Трамп, слета во Белград и ќе има средба со претседателот на Србија, Александар Вучиќ.
Ова е втора негова посета на Белград во последните шест месеци. Како што пренесува Блиц, Трамп ќе се сретне со Вучиќ во наредните часови.
Доналд Трамп Јуниор е најстарото дете на американскиот претседател и игра клучна улога како советник во кампањата на неговиот татко. Тој е извршен потпретседател во „Трамп организацијата“ и домаќин на подкастот „Тригеред“.
Пред неколку месеци, Доналд Трамп Јуниор беше во посета на Србија, каде што имаше средби со бизнисмени и претставници на деловната елита.