Skip to content
Бугарија ќе продолжи да се придржува до договорот од 2022 година и нема да отстапи ниту еден сантиметар од него.
“Му се заблагодарувам на Народното собрание за неговата активна позиција. Ова уште еднаш покажува дека во општеството постои целосен консензус во врска со Република Северна Македонија (РСМ), но и целиот процес на европска интеграција што се однесува на Западен Балкан.“
Ова го изјави министерот за надворешни работи Георгиев откако претходно денес бугарскиот парламент со апсолутно мнозинство ја одобри одлуката за напредокот на Северна Македонија во процесот на пристапување кон ЕУ, објави БГНЕС.
„Воздржаниот европски дипломатски тон и однесување на Бугарија, во апсолутен контраст со понекогаш многу хистеричното однесување на другите земји, не треба да се мешаат со недостаток на активност. Не само во последните денови, туку генерално, политиката на Бугарија во однос на европската интеграција на Западен Балкан и конкретно на нашиот сосед, Северна Македонија, е целосно стабилна и цврста“, рече министерот за надворешни работи Георг Георгиев, уверувајќи дека Бугарија ќе продолжи да се придржува до договорот од 2022 година и нема да отстапи ниту еден сантиметар од него.
Георгиев е категоричен дека Бугарија нема да престане да повторува дека почитувањето на европските барања е она што е потребно за да се постигне напредок и дека критериумите за членство утврдени во консензусот од 2022 година меѓу ЕУ и сите нејзини земји-членки Северна Македонија мора да ги исполни за да продолжи напред во својот процес на европска интеграција.
На прашањето дали Бугарија веднаш ќе стави вето на разговорите меѓу премиерот на РСМ, Христијан Мицкоски, и европските партнери доколку тие случајно доведат до почеток на преговорите за пристапување на РСМ во ЕУ пред да се промени нивниот устав, тој одговори дека од сите разговори што ги водел досега, нема план „Б“.
„Постои само еден план – промена на уставот, исполнување на критериумите за кластерите, за да може процесот да се движи напред. Ова го кажа и австрискиот колега – користење на алатките за разговори, но исполнување на критериумите, промена на уставот, сè што е утврдено во консензусот од 2022 година“, додаде министерот за надворешни работи.
Георгиев рече дека е многу збунет од тоа како претставниците на земја-кандидат користат многу лекомислени формулации и како имаат информации што се внатрешни за европските институции, а кои се пред предвидениот рок. „Но, ова е тема на која можеби самите европратеници треба да обрнат внимание“, додаде тој.
Бугарскиот министер за надворешни работи ги повика сите што сакаат да бидат дел од европскиот систем на вредности, одлуки, институции да се придржуваат кон европските правила. „Нема шанси да бидете во ЕУ ако не сакате да се однесувате како Европеец“, нагласи тој и беше категоричен дека Бугарија нема да се повлече од договорите и ќе го почитува европското право.
Георгиев рече: „Фактот дека Бугарија го знае значењето на зборот „дипломатија“ и не станува хистерична во секоја прилика не значи дека не е активна, туку напротив. Но, добро знаете дека бугарската страна нема да се изложи на тоа да шета наоколу и лобира нерегулирано во институции каде што тоа не треба да се прави, бидејќи мислам дека ова е потценувачки токму за оној што речиси го признава тоа и го забележуваме ова во последните 3 дена.“
Георгиев рече дека неговиоте европски колеги препозанаваат дека Бугарија во однос на интеграциските процеси на земјите од Западен Балкан, но и за Украина, Молдавија, се придржува до заедничката европска политика што се однесува на архитектурата на безбедноста и стабилноста, особено во моментов во контекст на руската агресија.
„Нема да се откажеме од фактот дека критериумите мора да се почитуваат. Бугарија нема билатерален проблем. Ако Скопјe има нешто што треба да го изрази како барање, тоа е пред Брисел и сите земји-членки на ЕУ“, рече и министерот за надворешни работи пренесе денеска БГНЕС.
