Грција усвои драконски закон: Затвор за бегалци со одбиени барања за азил

Грчкиот парламент усвои закон со кој лицата чијашто барања за азил се одбиени, а не ја напуштаат земјата во рок од 14 дена, ќе се соочат со затвор од две до пет години, како дел од напорите на владејачката централно-десничарска власт да ги одврати илегалните мигранти.

Министерот за миграции, Танос Плеврис, нагласи дека државата ќе продолжи да обезбедува азил само за оние кои ги исполнуваат условите за меѓународна заштита, но новите мерки воведуваат строги казни и за илегално влегување – казни до 10.000 евра и затвор до 24 месеци.

Законот предизвика остри реакции: судии го критикуваа како репресивен, а организации за мигранти го оценија како расистички и нелогичен, особено во време кога Грција се соочува со демографска криза и недостиг на работна сила во земјоделството, градежништвото и туризмот.

Демократски и економски експерти предупредуваат дека и покрај мерките за одвраќање на илегалната миграција, земјата истовремено мора да овозможи легални патишта за миграција за да ја поддржи економијата.