Skip to content
Иницијативата за бојкот на продавниците во одреден ден, која започна во Хрватска и се прошири во голем број земји на Балканот, стигна и до Грција. Грчката федерација за општи потрошувачи ИНКА ги повика граѓаните на 19 февруари да ги бојкотираат продавниците и да не трошат „ниедно евро“ на тој ден, објави порталот „Њуз 24/7“.
Организацијата апелира до потрошувачите, „ако е можно“, да не плаќаат „едно евро на банките, на државата, за вода, струја, телефони, гориво, во супермаркети, кафулиња, ресторани, маркети, електронски продавници“ и други. Доста е со потсмев, измами, шпекулации и профитерство на штета на граѓаните“, напишаа организаторите на протестот.
Од друга страна, студија на Институтот за истражување на малопродажбата на потрошувачите, цитирана од порталот in.gr, покажува дека цените во грчките супермаркети во јануари 2025 г. останаа речиси непроменети во однос на јануари 2024 година. Инфлацијата во трговските синџири во јануари изнесуваше околу 0,09 отсто, при што зголемувањето на цената на некои производи се компензира со намалувањето на цената на другите.
