Автомобилот од обезбедувањето на главниот бугарски обвинител оштетен од експлозив, Гешев бил цел на атентатот

Експлозивна направа оштетила автомобил од обезбедувањето на бугарскиот главен обвинител во момент додека се движел на патот Софија – Самоков.

Според првични информации на бугарски медиуми пред еден од автомобилите од обезбедувањето била активирана експлозивна направа.

-Главниот обвинител на Бугарија бил цел на убиство, изјави заменик-главниот обвинител и директор на Националната истражна служба Борислав Сарафов на брифинг во врска со инцидентот со колоната на главниот обвинител Иван Гешев.

Сарафов даде детали во близина на местото каде што се случила експлозијата. Тој нагласи дека не станува збор за заплашување, туку за атентат и нагласи дека нема жртви.

Патот е затворен и се врши истрага, јавија бугарските медиуми.