Skip to content
Договорот помеѓу Косово и Србија е и понатаму жешка тема во албанските медиуми во Косово, во Албанија од денеска стапува на сила новата судска карта – пет Апелациони судови се спојуваат во еден, во главниот град – ова се дел од темите од изборот на ЦИВИЛ Медиа, од албанските медиуми во регионот.
КОХА: Британската влада потврдува дека не поддржува српска енклава во Косово
„Пратеничката во британскиот парламент, Алиша Кернс, изјави дека чувствува поголема олеснување додека Владата на Обединетото Кралство потврди дека не го поддржува создавањето на српска енклава во Косово преку Асоцијацијата (Заедницата).
Таа го соопшти ова во реакција на Твитер, додека сподели моменти за време на дебата на британскиот парламент со владата, за прашањето за Западен Балкан, со посебен акцент на прашањето за Косово, со француско-германскиот предлог.“, пренесе косовскиот дневник Коха.
ЗЕРИ: Силна гаранција на Ховениер за Косово, аналитичарите со различни мислења за позицијата на САД во дијалогот
Амбасадорот на САД во Косово, Џеф Ховениер, во вторникот рече дека САД го поддржуваат спроведувањето на сите обврски кои произлегуваат од разговорите меѓу Косово и Србија, но не поддржуваат ниту еден договор што го загрозува суверенитетот, независноста, мултиетничкиот карактер или демократските институции на Косово.
„Пораката на американскиот амбасадор беше многу јасна, многу концизна и беше многу надежна. Тоа е порака која нуди гаранции за Косово, за политичката елита и за граѓаните на Косово. За оваа иницијатива што веќе ја презедоа и се чини дека се сериозни во однос на неа, но вложуваат и време, моќ и енергија за да комуницираат со граѓаните за нејзината природа“, вели аналитичарот и правник, Бардул Хасанпапај.“, пренесува косовскиот медиум Зери.
ТОП ЧАНЕЛ: Од денеска стапува на сила новата судска карта , само еден Апелационен суд во Албанија, 32 илјади досиеја во постапка
„Во Албанија денеска стапува на сила новата судска карта , каде пет Апелациони судови се спојуваат во еден, во главниот град.
Од 21.000 нерешени предмети во Апелација на Тирана, уште 11.000 од другите општини е се додадени на „залихата“, со што бројот на нерешени предмети се искачи на 32.000.“, пренесе албанскиот медиум Топ Чанел.
АЛБЕУ -Објавена студија: Албанците немаат доверба во институциите
„Центарот за проучување на демократијата и владеењето во Албанија, денеска го објави Барометарот за безбедност и јавна перцепција кон правдата и корупцијата.
Над 40 отсто од испитаниците тврделе дека состојбата со корупцијата останала иста во последните 12 месеци, додека над 25 отсто од нив изјавиле дека состојбата се влошила и дека сега има повеќе корупција од порано.“, пренесува албанскиот медиум Албеу.
ПАНОРАМА: „Идолот САД“, и зошто демократијата ни е проблем?!
„САД и помагаат на Албанија во некои од главните реформи, каде Правдата го зазема главното место и името на Америка е еднаквост со спомнување на религија во нас. Но, Америка помага повеќе апстрактно. За сè, секој поединец, општество, структура, зборува за американскиот демократски модел, каде што секој амбасадор има моќ на морален гувернер.
А сепак, нивните официјални пораки како- борба без компромиси за елиминација на корупцијата, дека за унапредување на правата, но и на обврските што се очекуваат од земјите членки на НАТО и ЕУ, зајакнување на владеењето на правото, систематски, наидуваат на глуви уши.“, извадок од колумната „Идолот САД“, и зошто демократијата ни е проблем?!, од Бен Андони, објавена во Панорама.
Д. Тахири(ЦИВИЛ Медиа)
Сите права се задржани.
