Skip to content
Високата претставничка на Европската Унија (ЕУ) за надворешна политика и безбедност, Каја Калас, денес оцени дека Западен Балкан е од стратешко значење за ЕУ и додаде дека проширувањето кон овој регион е „најзначајниот геополитички проект“ и нејзин личен приоритет.
Каја Калас напиша на Инстаграм во својот извештај за работата во текот на оваа недела дека ја завршила посетата на Западен Балкан.
Високата функционерка на ЕУ ѝ поречала на Северна Македонија дека таа е првата земја во регионот што се приклучи на Партнерството за безбедност и одбрана со ЕУ и првата што има корист од Планот за раст на ЕУ за Западен Балкан.
Калас додаде дека местото на Северна Македонија е да биде во европското семејство и дека е од суштинско значење земјата да го продолжи својот пат кон ЕУ.
Калас напиша дека испратила јасна порака и Србија.
„Мојата порака до властите во Белград беше јасна. Сакам да ја видам Србија како напредува кон ЕУ. За тоа, политичките лидери мора да ги спроведат потребните реформи и стратешки да разјаснат. Ова најдобро се прави со враќање на довербата и останување верни на демократските принципи“, напиша таа.
Таа додаде дека разговарала „со ангажирани членови на младински организации и граѓанско општество“.
„Го слушнав нивниот повик и нивните аспирации – за правда, за одговорност. Нивната енергија е потребна за да се најде пат напред“, рече Каја Калас.
Таа за Косово рече дека ги охрабрила сите партии во Косово да го прекинат политичкиот ќорсокак и брзо да формираат влада.
„Лидерите треба да ги остават настрана поделбите и да ја приоритизираат иднината на Косово“, рече таа на Инстаграм, каде што објави серија фотографии направени за време на посетата на Западен Балкан.
