Skip to content
Косовското собрание донесе закон со кој се забранува продажбата, понудата и рекламирањето на енергетски пијалаци за лица помлади од 18 години. Законот, кој доби поддршка од 62 пратеници од вкупно 120, предвидува строги казни до 2.000 евра за прекршителите.
Целта на оваа мерка е заштита на здравјето на младите, преку спречување на неконтролирана консумација на пијалаци со високо ниво на кофеин и шеќер. Законот беше инициран поради загриженоста за зголемената употреба на енергетски пијалаци, особено во училиштата.
За стапување на законот во сила, потребно е уште едно гласање во Парламентот и потпишување од претседателката Вјоса Османи.
Неконтролираната употреба на овие пијалаци беше предмет на контроверзии во Косово, а новата мерка се гледа како чекор напред кон унапредување на јавното здравје.
