Кризата ги натера Германците да се откажат од ресторани и и театри

Германците се соочуваат со сериозна економска криза, па многумина мораат да ги прилагодат своите потрошувачки навики. Според најновото истражување на компанијата Ернст и Јанг (ЕЈ), повеќе од една третина од Германците (37%) изјавуваат дека купуваат само основни намирници, додека скоро половина се откажуваат од излегувања во ресторани и театри. Песимизмот за иднината расте, а економската ситуација е сè помракна, пишува „Дојче веле“.

Германските граѓани се принудени да прават компромиси поради високите трошоци за енергија, храна и горива. Според истражувањето, 86% од германските потрошувачи се загрижени поради високите трошоци за енергија, додека 84% се во слична ситуација за храна и покуќнина. Околу 69% од населението се грижи за порастот на цените на бензинот и другите горива.

Поради кризата, Германците преферираат поевтини опции – 40% од нив преминале на брендови на супермаркети и дрогерии кои нудат поевтини производи, а 49% се откажуваат од услуги за достава на намирници. Многумина ја намалуваат потрошувачката на готови оброци (48%), членства во фитнес клубови (43%) и посети на ресторани, театри и кина (40%). Во областите за стриминг, 34% од Германците исто така планираат да заштедат.

Сепак, повеќе Германци (29%) планираат да трошат повеќе пари за свежа храна отколку што ќе заштедат (10%). Овој тренд се должи на зголеменото внимание на здравата исхрана, но и на потребата од адаптирање на потрошувачките навики.

Иако економската криза влијае на потрошувачките одлуки, германската туристичка индустрија се одржа со раст од 10% до крајот на август 2024 година. Сепак, ова може да се промени ако негативните економски трендови продолжат, предупредува Норберт Фибиг, директор на Германската туристичка асоцијација.

Песимизмот во Германија е особено изразен кога се разгледуваат идните перспективи. Само 26% од Германците веруваат дека нивната животна состојба ќе се подобри во следните три години, додека 74% се стравуваат од поголема економска тешкотија или останување во истата состојба. Овој песимизам е поголем отколку во други региони, како во Азија и Северна Америка, каде луѓето покажуваат поголем оптимизам.

Германците се повеќе песимистични и во поглед на економската стабилизација на нивната земја. Само 31% од анкетираните сметаат дека економијата ќе закрепне во следните 12 месеци, додека 36% веруваат дека ќе продолжи да се влошува. За споредба, во Азија и Северна Америка, поголем процент на луѓе веруваат во економско закрепнување.

На глобално ниво, повеќе оптимизам се забележува во земји како Индија (79%), Саудиска Арабија (71%) и Кина (67%), додека Германија се наоѓа под меѓународниот просек.