Skip to content
Во Бјелашница, Босна и Херцеговина, пронајдено е безживотното тело на метеоролог кој исчезна пред неколку дена. Потрагата беше отежната поради лошите временски услови, вклучувајќи густа магла, силни ветрови и намалена видливост.
Метеорологот исчезнал на почетокот на неделата додека одел кон своето работно место во опсерваторијата на врвот Бјелашница. Последен пат бил виден во вторник околу 10 часот. Откако не одговорил на повиците од неговиот колега, кој го чекал за да му ја предаде смената, ситуацијата била пријавена на планинската служба за спасување.
Во потрагата учествуваа неколку спасувачки тимови, а по три дена интензивна акција, телото беше пронајдено. Причините за трагичниот исход засега не се познати, но се претпоставува дека екстремните услови на планината одиграле клучна улога.
Оваа трагедија ја потсетува јавноста на опасностите од работата во екстремни временски и теренски услови.
