Skip to content
Ден пред почетокот на второто полугодие се уште не е јасно колку училишта ќе бидат затворени во понеделник, додека средношколците и студентите организираат митинзи за поддршка на просветните работници во повеќе градови во Србија.
Во Чачак на улица излегоа ученици и студенти на техничките факултети. Собирот започна пред зградата на факултетот, од каде огромна колона граѓани се упати кон гимназијата Чачак, каде им се придружија и средношколци.
По 15 минути молчење во спомен на загинатите во Нови Сад, продолжи прошетката низ градските улици. Немаше говор.
Во Нови Сад, на Плоштад Слобода се одржа јавен час со наслов „Празникот е твој, промената е наша“, по 15-минутниот молк на пазарот „Футошка пијаца“.
За време на протестот можеа да се слушнат пароли „Студентите не клекнуваат“ и „Сите штрајкуваат“, додека на дел од транспарентите пишуваше „Апсолутна власт – апсолутна одговорност“, „Децата дојдоа“, „Ѕвоното заѕвони ‘.
Протестот во Нови Сад заврши со уште еден повик за генерален штрајк.
На улица излегоа и средношколците во Ваљево, а студентите од Универзитетот во Крагуевац ги повикаа сограѓаните да им се придружат на протестот на Студентскиот плоштад пред Првата крагуевачка гимназија од 16 часот.
Во исто време, протест беше најавен и во Ниш, а студентите од овој град во јужна Србија најавија дека ќе организираат собири на три локации во градот – на раскрсницата кај Канцеларијата, на мостот Млади и на кружниот тек кај пазарот на Трошарина.
Белградските студенти претходно најавија акција за солидарност со просветните работници со почеток во 16 часот пред Министерството за образование.
Српскиот премиер Милош Вучевиќ денеска изјави дека училиштата мора да останат отворени, а оние што не го прават тоа ќе бидат предмет на просветна инспекција. Вучевиќ тврди дека повеќето училишта во Србија утре ќе го започнат второто полугодие.
