Обвинителството предложи затвор за Додик и Лукиќ и 10 години забрана за вршење јавна функција

Обвинителството на БиХ на денешните завршни зборови предложи казна затвор за претседателот на Република Српска, Милорад Додик, блиска до максималната (пет години), како и 10 години забрана за вршење јавна работа. Иста казна е побарана и за директорот на Службен весник, Милош Лукиќ.

Обвинителот Недим Ќосиќ истакна дека тие се виновни бидејќи не ги почитувале одлуките на нелегитимниот висок претставник Кристијан Шмит. „Додик сам го призна ова“, рече Ќосиќ, укажувајќи на сведочењето на Додик, кој објасни дека не ги почитувал одлуките на Шмит бидејќи постапил според Уставот на Република Српска.

„Не постојат олеснителни околности. Делата се извршени со умисла, свесни за последиците“, додаде обвинителот, нагласувајќи дека недостатокот на претходни осуди не претставува олеснителна околност.

Обвинителството ги оцени аргументите на одбраната како неосновани, особено тврдењето за нелегитимноста на Шмит и неговата наводна неконститутивност за менување на закони во БиХ. Обвинителите посочија дека Додик и Лукиќ свесно ги прекршиле одлуките на Шмит, преземајќи официјални законодавни активности за продолжување на постапката спротивно на неговите одлуки.