Skip to content
Претседателот на Бугарија во периодот 1997–2002 година, Петар Стојанов, направи ретроспектива на првите денови од неговата претседателска кариера во студиото на „Во Фокусот“ на бугарската ТВ Нова и дискутираше за клучните одлуки што, според него, ја одредија иднината на земјата.
Тој се потсети на тешката ситуација во која се најде како новоизбран претседател: „Вчера, пред 29 години, Бугарија беше на работ на нешто што личеше на граѓанска војна поради хиперинфлација и одбивањето на тогашните владетели да поднесат оставка. Сè што ми беше на ум во тоа време беше како да избегнам граѓанска војна“.
Според Стојанов, неговата клучна цел била да ја гарантира стабилноста на земјата и нејзината евроатлантска ориентација: „За време на мојата претседателска кампања, неуморно повторував: Бугарија мора да стане членка на НАТО и на Европската Унија. Граѓанската војна фатално би нè оддалечила од двете“.
Стојанов го нагласи цивилизацискиот избор на земјата: „Под цивилизациски избор мислев на способноста на општеството да се организира на таков начин што ќе произведе слободна пазарна економија, да има висок животен стандард, широк пакет права и слободи, правда и слобода да се патува насекаде.“
„Ако пред 19 години не го направевме пресудниот чекор за отпочнување на процесот за членство во ЕУ, со потпишувањето на Договорот за пристапување, Бугарија немаше да стигне таму каде што е денеска“, истакна Стојанов.
Тој ја нагласи важноста на валутниот одбор и ММФ: „Во март 1997 година ги собрав сите политички сили и ја потпишав Декларацијата за категорична посветеност на воведување валутен одбор и на тесна соработка со меѓународните монетарни институции. Да не се случеше ова, сега немаше да бидеме во еврозоната.“
Во однос на придобивките од членството во Еврозоната, Стојанов посочува дека придобисвките од единствениот европски финансиски пазар, сега Бугарија може да биде сигурна дека ако се случи да се најде пред банкрот, како што била во повеќе наврати во поновата историја, ЕУ има Европски механизам за финансиска стабилност, кој во таков случај ги „спасува“ земјите членки. Тој механизам ги спаси Грција и Ирска, потсети Стојанов.
Кога беше прашан за економскиот развој на земјата, Стојанов забележа: „Ние сме најсиромашната земја во Европската Унија, но нашиот бруто домашен производ по глава на жител е за 25% повисок од оној на Србија и за 50% повисок од Македонија. Ова е резултат на правилниот цивилизациски избор.“
Како заклучок, Стојанов повика на граѓански активизам: „Отворете ги очите и гласајте. Во демократијата, мнозинството понекогаш греши. Улогата на лидерот е да ги убеди луѓето каде да одат, а не да се оправдува со „гласот на домородецот, гласот Божји“.“