Поради паразит замрзнат ослиќ се повлекува од продажба во Хрватска

Замрзнатиот ослиќ од брендот „Океан“ со тежина од 1 кг и рок на траење до август 2026 година е повлечен од продажба. Корисниците во Хрватска кои го поседуваат овој производ можат да го вратат во било која продавница и да добијат рефундирање, соопштуваат од Конзум.

Инспекторатот пријавил присуство на паразитот Анисакис во замрзнатиот ослиќ. Овој паразит е од родот Anisakis и се наоѓа во цревата на рибите. Ако рибата не е соодветно термички обработена, паразитот може да премине и во човечките црева.

Ветеринарната и санитарната инспекција на Државниот инспекторат веднаш изврши увид и забрани понатамошна дистрибуција на производот од истиот ЛОТ. Доколку се утврдат дополнителни информации, Државниот инспекторат ќе информира во најкус можен рок.