Skip to content
Повеќе од 30 државни факултети на четири универзитети во Србија се под блокада, откако студентите побараа објавување на документацијата за реконструкцијата на Железничката станица во Нови Сад и идентификација на одговорните за нападот врз студентите на ФДУ, објави Н1.
На блокадите, кои започнаа кон крајот на ноември, вчера им се приклучија и студентите од Економскиот факултет во Суботица и Факултетот за образование на наставници во Белград.
Универзитетот во Белград изрази поддршка за студентските барања, истакнувајќи ја важноста од реакција на општествени настани.
Повод за протестите беше нападот врз студентите на ФДУ додека оддаваа почит за 15-те жртви од падот на настрешницата на Железничката станица во Нови Сад.
Студентите добиваат поддршка од професори, активисти и граѓани, кои им доставуваат храна и пијалаци. Тие порачаа дека блокадите ќе продолжат додека не се исполнат нивните барања и најавија можност за радикализација на протестите.
