Познатите личности ги откажуваат концертите по трагедијата во Цетиње

По страшната трагедија во Цетиње, каде 45-годишен маж уби најмалку 12 лица, вклучувајќи две деца, Црна Гора прогласи тридневна жалост. Сите празнични настани и концерти беа откажани низ земјата, а познатите музички ѕвезди изразија сочувство и го прилагодија својот распоред.

Српската пејачка Александра Пријовиќ објави на Инстаграм дека го откажува својот концерт во Бар:
„Поради трагичниот настан во Цетиње, вечерашниот концерт е откажан. Сочувство до семејствата на жртвите.“

И младата ѕвезда Анѓела Игњатовиќ – Бресквица го откажа настапот во Херцег Нови, додавајќи:
„Ве молам, чувајте се и слушајте ги инструкциите на надлежните. Сочувство до семејствата на настраданите.“

Хрватската пејачка Јелена Розга, која требаше да настапи во Тиват, исто така соопшти:
„Поради трагедијата, се откажува вечерашниот настап. Искрено сочувство до семејствата.“

Во Будва, каде што требаше да настапат Дино Мерлин, Ади Шоше и Џек Лупино, концертот беше прекинат. Мерлин подоцна изрази длабока тага:
„Длабоко сум потресен. Срцето ми е скршено. Мислите ми се со жртвите и нивните семејства. Боже, дај ни уште еден ден.“

Трагедијата предизвика солидарност и тага во регионот, со јавни изрази на поддршка и сочувство до сите погодени.