Протестен марш во Нови Сад „4.000 наставници, 4.000 чекори“

Во Нови Сад денеска напладне се одржа протестниот марш на универзитетските наставници, истражувачи и студенти „4.000 наставници, 4.000 чекори“, пренесува Бета. 

Студенти, наставници и граѓани се собраа на Академијата за уметности и во 11:52 часот одржаа 15-минутен молк за жртвите од уривањето на настрешницата на Железничката станица на 1 ноември.

Студентите и професорите на Медицинскиот факултет организираа посебна поворка за да се сретнат со наставниците и колегите кои ги чекаа на Академијата за уметности.

Насобраните носеа големи транспаренти „Сите штрајкуваат“ и „Професорите се со вас“, и скандираа „Оставка или затвор!“, „Нема да не газите!“, „Генерален штрајк!“ и „Образованието во штрајк!“.

Поради маршот беа блокирани повеќе улици во центарот на Нови Сад.