Пукано врз телевизијата „Топ чанел“, убиено лице од обезбедувањето

Непознати сторители ноќеска отвориле оган кон зградата на Топ чанел во Тирана, најгледаната албанска телевизија, пукајќи со огнено оружје во правец на објектот.

Во инцидентот, што се случил во околу 1 часот после полноќ, убиен е Пали Кола (60) лице од обезбедувањето.

Возило “Ренџ Ровер”,  за кое се верува дека им припаѓало на напаѓачите е пронајдено запалено.

Експресно реагираше албанскиот претседател, Бајрам Бегај, кој настанот го оцени за тежок инцидент и побара од надлежните брзо расветлување на случајот, изразувајќи притоа сочувство до семејството на настраданиот. (МИА)