Skip to content
Обединувањето на сите Срби не може да се спречи. Бугарите треба да палат свеќи и да молчат еден од блиските соработници на српскиот претседател Вучиќ – Александар Вулин – само неколку часа откако самиот Вучиќ го негираше постоењето на проектот „Српски свет“ и ги обвини Бугарите за оваа „фикција“, објави бугарската агенција БГНЕС.
Изјавите на двајцата беа одговор на повикот на претседателот Румен Радев до европските институции да се справат со ризиците што ги создава „Српскиот свет“ во регионот, вклучувајќи ја и Бугарија.
„Пред да бидам отстранет од функцијата директор на БИА (српската контраразузнавачка служба, н.з.), ги спречивме обидите на Бугарија да дистрибуира учебници во Србија, во кои тие ја нарекуваат Источна Србија своја земја, а бунтовниците од Топличе – бандитска банда. Не пропуштивме да го уапсиме шпионот на бугарската служба и со тоа да ја разбиеме мрежата што ја создаваа. Претседателот Радев не го заборавил ова. Нека молчат Бугарите, бидејќи сè уште не сме ги изброиле сите заклани српски деца што ги оставија бугарските окупатори на Србија во двете светски војни“, рече Вулин и апелираше до Бугарите: „Пред да ги споменете Србите, прво запалете свеќа и побарајте прошка за Сурдулица, Топлица, Бојник, Драговац, Крива Река, а дури потоа изговорете го нашето име“.
Вулин, исто така, изјави дека „српски свет“ е природна потреба на Србите. „Обединетоста започна и не може да се запре“, нагласи Александар Вулин.
БГНЕС, исто така, потсетува на зборовите на српскиот претседател Вучиќ, кој во Брисел рече дека Бугарите измислиле „српски свет“ и го негирале постоењето на таква доктрина, во која учествува и Српската православна црква како главен инструмент за нејзино спроведување во Северна Македонија, Босна и Херцеговина и Црна Гора.
„Можеби тие имаат „бугарски свет“, не знам, но ние немаме „српски свет“ – ниту како доктрина ниту како политика. Никогаш во животот не сум го кажал тоа, но им беше погодно бидејќи го претворија во страшило и за да ја оправдаат својата антисрпска политика, го користеа овој израз“, рече Вучиќ во коментар на изјавата на Радев.
„Никогаш лично не сум го кажал тоа, освен кога сум го побивал – најмалку 20 пати, и никогаш немало ефект. И Хрватите, Приштина, Тирана, а веројатно и Софија во иднина, мора да оправдаат зошто градат воен сојуз против Србија. Проблемот е кога го оправдувате ова со лаги“, рече и српскиот претседател.
Самиот Вулин, до неодамна вицепремиер на Србија, беше наградуван многу пати од Кремљ и лично од Владимир Путин за неговите проруски позиции. Тој беше санкциониран од САД и Велика Британија за дестабилизација на Балканот и голем број сериозни криминални активности. Тој отворено повикува Србија да се приклучи на БРИКС, а неодамна учествуваше во основањето на Руското историско друштво во Србија како претседател на неговиот Совет на претставници.
Во извештаи на европските институции, е нотирано дека Србија останува најголемиот сојузник на Русија на Балканот и единствената земја-кандидат за членство во Европската Унија која категорично одбива да воведе санкции врз Москва поради нејзината инвазија на Украина, наведува БГНЕС.
