Се вжештува предизборната кампања во Бугарија, Борисов вели после изборите сите пак ќе бидат Бугари

Најмногу гласови ќе дојдат за ГЕРБ. И тоа без друга причина, освен затоа што за време на владеењето на ГЕРБ беа направени бројни проекти за народот, рече за време на митинг во предизборната кампања претседателот на оваа партија Бојко Борисов.

„Вчера бев изненаден кога дознав дека, според Радев, ГЕРБ му ја украла изборната програма. Смешно, весело, весело! Но, ни недостигаше во делот за правдата, бидејќи тој прогласи дека по изборите – ако владее, ќе има конфискација. Се согласувам со него. Но, мора да почнеме со конфискација на средствата од разбојничката приватизација. Бидејќи црвената олигархија некогаш ограбуваше државен и општински имот, ги сечеше фабриките како „Мраз“ и „Антон Иванов“ во Софија за да ги укине. По разбојничката приватизација, ги отпуштија работниците. Тоа се нашите противници – многу пари и многу реклами, но ние сме меѓу народот и им покажуваме што сме направиле“, порача лидерот на ГЕРБ, Бојко Борисов.

Тој порача дека граѓаните не треба да се плашат.

„Тие не можат ништо да ви направат. ГЕРБ ќе преземе сите мерки за да го заштити нашиот народ. Вклучувајќи и информирање на сите во Европа за нелегалните апсења и малтретирање од страна на официјалните власти. Изборите не се за живот и смрт, туку натпревар. После 19-ти, сите ќе бидеме пак Бугари“, рече Борисов.П

Процесот на обнова не може да биде запрен, ниту некој може да нè раздели, нагласи Борисов. „Бидејќи Бог нè создал да живееме заедно“, заклучи Борисов.