Skip to content
Отровниот вид риба познат како риба-балон, или четиризабен сом, брзо се шири низ Средоземното Море и претставува сериозна закана за биодиверзитетот, предупредуваат хрватски научници.
Најновото истражување објавено во списанието Acta Ichthyologica et Piscatoria открива дека примерок од овој вид, долг половина метар и тежок над 1,3 килограми, бил забележан во северниот Јадран, на длабочина од 20 метри. Ова е прв случај во овој дел од морето, а вкупно четврти забележан во Јадранот.
Рибата потекнува од Црвеното Море, а преку Суецкиот канал стигнала во Медитеранот. Досега е регистрирана и покрај бреговите на Франција, Турција, Тунис и Египет.
Причина за нејзината експанзија е отсуството на природни предатори и брзото размножување. Според научниците, ова може да има сериозни еколошки и економски последици, вклучително и за рибарството и јавната безбедност.
Рибата-балон е исклучително отровна – нејзиното месо содржи силен невротоксин опасен по живот, а може и да каснува луѓе, што во некои случаи довело до ампутации на прсти. Затоа експертите повикуваат на проактивно следење и развој на стратегии за справување со нејзиното ширење.
