Skip to content
Обилните снежни врнежи ја парализираа Србија, предизвикувајќи долги колони возила, сообраќајни незгоди и заглавени камиони на повеќе патни правци низ земјата. Најкритично е во планинските предели и на автопатските делници каде што снегот и ниските температури го отежнуваат движењето.
Според информациите од терен, паднати дрва дополнително ги блокираат одредени сообраќајници, а дел од товарните возила останале во застој поради лизгав коловоз и недоволна зимска опрема. Надлежните служби се на терен и работат на расчистување на патиштата и нормализирање на сообраќајот.
Властите апелираат до граѓаните да избегнуваат непотребни патувања, да користат задолжителна зимска опрема и да ја следат состојбата на патиштата преку официјалните канали, бидејќи според најавите, врнежите може да продолжат и во текот на денот.