Според 72% од граѓаните во Србија протестите се резултат на државна негрижа и корупција

Околу 80% од граѓаните на Србија ја поддржуваат повеќето од барањата на студентите, а една третина од населението вели дека учествувале во актуелните протести. Според истражувањето на центарот за истражување „Црта“, 64% од граѓаните го поддржуваат протестите на студентите.

Студентските протести се значаен фактор за политички и општествени промени во Србија, со потенцијал за проширување на поддршката, покажуваат резултатите од истражувањето на јавното мислење. По речиси три месеци, протестите не само што не ослабнуваат, туку привлекуваат сѐ поголема поддршка.

„Наместо гнев и загриженост, кај граѓаните преовладува надежта и оптимизмот, благодарение на протестите и студентите. Поддршката за протестите значително порасна и кај оние кои инаку ги поддржуваат партиите на власт“, наведува „Црта“.

Истражувањето покажува дека 46% од граѓаните веруваат дека протестите можат да донесат позитивни промени, додека 38% се против. Оптимизмот е резултат на енергијата која ја донесоа студентските протести, а не од довербата во владината политика.

Близу 60% од граѓаните им веруваат на студентите, додека толку исто сметаат дека претседателот на Републиката не е надлежен за решавање на студентските барања. Повторно, повеќе од половина од граѓаните сметаат дека барањата на студентите не се исполнети.

Мнозинството од граѓаните не им веруваат на медиумите и политичките манипулации кои се обидуваат да ги дискредитираат студентите. Според 72% од граѓаните, протестите се резултат на државна негрижа и корупција, а не обид за „обоена револуција“ или „војводински сепаратизам“. Корупцијата се смета за најголем проблем во Србија, според истражувањето на „Црта“.