Српската влада најави минимална плата од 500 евра

Српската влада најави минимална плата од 500 евра. Министерот за финансии Синиша Мали во настап на една српска телевизија рече дека се планира уште едно зголемување на минималната плата, како што најави претседателот на Србија, Александар Вучиќ.

• Градиме она што е важно за луѓето, нови патишта, автопати, училишта, градинки… – рече тој, зборувајќи за инвестициите.

Вториот столб на нашата економска политика е зголемувањето на животниот стандард, најави Синиша Мали.

• На 1 јануари го зголемивме за 13,7 проценти. Сега имаме минимална плата од 457 евра, а во 2011 година минималната плата беше 15.700 динари – рече тој.

Во тоа време, над половина милион луѓе примале минимална плата, а денес таа е 91.000, објасни тој.

Иницијативата на Вучиќ е да се зголеми минималната плата на 500 евра, рече тој.

• Со зголемувањето од јануари, за прв пат во историјата, ја изедначивме минималната плата со потрошувачката кошничка – рече Мали.

Тој вели дека се надева на добри вести во врска со договорот за зголемување на минималната плата со синдикатите и работодавачите.

Во декември ќе имаме просечна плата од над 1.000 евра, рече тој.

Тој потсети на мерките за фискална консолидација, поплавите, енергетската криза, руската СВО во Украина.