Студенти од повеќе од 50 факултети бараат извинување од Вучиќ

Во Србија веќе две недели траат студентски протести поради трагедијата во Нови Сад, при што повеќе од 50 факултети се во блокада. Настанот на железничката станица во Нови Сад на 1 ноември, каде што се сруши надстрешница и загинаа 15 лица, претежно млади, предизвика лавина на незадоволство.

-Објавување на сите документи за реконструкцијата на железничката станица.
-Казнување на оние кои извршија насилство врз протестантите.
-Ослободување на уапсените активисти од претходните протести.
-Јавно извинување од претседателот Александар Вучиќ, кој ги нарече платеници.

Вчеравечер, студентите се собраа пред Радио-телевизијата на Србија (РТС), протестирајќи против молкот на јавниот сервис. Со бучава и транспаренти, тие побараа правдата да излезе на виделина.

„Овие празни вреќи ги оставаме на РТС како симбол за ‘парите’ што наводно сме ги добиле“, изјавија демонстрантите, алудирајќи на обвинувањата од Вучиќ.

Факултетите во Белград, Нови Сад, Ниш и Крагуевац масовно се приклучија на блокадата. Во Белград, 28 од 31 факултет го прекинаа наставниот процес, а во Нови Сад сите девет факултети се блокирани. Протестите се активни и во Ниш и Крагуевац, каде што секојдневно се одржуваат пленуми за одлуки околу блокадите.

„Ние, студентите, сведочиме на вербална и физичка репресија. Бараме одговорност и транспарентност“, се вели во соопштението на Универзитетот во Белград.

Наставата е запрена на најголемите факултети, меѓу кои Филозофскиот, Архитектонскиот, Економскиот и Математичкиот. Поддршката ја дадоа и деканите и професорите на повеќе универзитети, а протестите продолжуваат со несмалено темпо.