Skip to content
“Студентите во блокадата, по комеморативните собири, објавија видео во кое ги покануваат граѓаните да дојдат во Нови Сад на 1 ноември.
Видеото е придружено со снимки од протестите во изминатите 11 месеци, имињата на 16-те жртви на Железничката станица и песната „Не го прекинувај ископувањето“ од Ѓорѓе Балашевиќ.
„Помина една година од загубата на 16 животи“, беше пораката напишана во видеото објавено од студентите.
Тие најавија дека тоа ќе биде најголемиот комеморативен собир во историјата на Србија.
„Со ова ги покануваме сите граѓани на Србија да присуствуваат на најголемиот комеморативен собир во историјата на Србија за точно еден месец, на 1 ноември 2025 година“, се вели во соопштението на студентите.
На комеморативните собири по повод 11 месеци од падот на настрешницата, беа прочитани пораки, вклучувајќи ја и поканата да се дојде во Нови Сад на 1 ноември.
„Сеќавањето и спомените не смеат да избледат. Затоа ги покануваме сите слободномислечки граѓани на Србија кои се бореа со нас 11 месеци против корупцијата, за правда, општество и слобода, да дојдат во Нови Сад на 1 ноември и заедно со нас да им оддадат почит на жртвите на ова злосторство“, се вели на митингот во Нови Сад.
На 1 ноември ќе се навршат една година од падот на настршницата на железничкатка станица, во кој загинаа 16 лица, но и една година од социјалната криза во Србија, која помина низ неколку фази, и зголемената репресија на режимот против политичките противници и неистомислениците.
Студентите бараат распишување вонредни парламентарни избори, што владата, која претходно свика избори, одбива да го стори.
Српските студенти во блокада ги повикаа граѓаните во државата да бидат на собир во Нови Сад на 1 ноември, на годишнина од падот на бетонската настрешница на железничката станица во тој град.
Истиот повик беше испратен и од Нови Сад.
Голема колона луѓе од Нови Сад денеска пристигна на железничката станица како дел од комеморативната прошетка.
