Skip to content
Производите од поранешна Југославија сè уште будат носталгија – било поради квалитетот, било поради препознатливиот дизајн. Еден таков ретро предмет во последно време повторно станува хит меѓу љубителите на винтиџ естетиката.
Станува збор за лустерите од 70-тите години на минатиот век, кои повторно добиваат голема популарност на социјалните мрежи, пишува sensa.mitropolitan.si.
Според порталот krstarica.com, во една Фејсбук група неодамна биле објавени фотографии од култните југословенски лустери, што предизвикало огромен интерес. Најголемо внимание привлекол моделот Meblo Guzzini KSL со стаклена сфера од опално стакло, дизајниран во футуристички стил.
„Кога бевме деца, ги гледавме и си замислувавме дека се летечки чинии“, напишал еден од корисниците под објавената фотографија.
Популарноста на овие лустери продолжува да расте, а многумина сакаат да ги купат – било за својот дом, било како колекционерски предмет. Во онлајн продавниците, цените на овие ретро лустери се движат од 70 до 150 евра, што за некои е изненадувачки, но за љубителите на винтиџ мебел, тие се исклучително вредни.
Голем број примероци се продаваат и преку eBay.
Производите од поранешна Југославија и понатаму предизвикуваат дебати – некои ги ценат поради нивниот квалитет, додека други сметаат дека не можат да се мерат со западните брендови. Но едно е сигурно: интересот за југословенските производи не стивнува.
