Вучиќ за „Рибникар“: Странска држава побара предавање на малолетниот убиец ден по масакрот

Српскиот претседател Александар Вучиќ, гостувајќи во утринската програма на ТВ Пинк, се осврна на масакрот во основното училиште „Владислав Рибникар“ и на случувањата што следеа.

Тој откри дека странска држава побарала малолетниот сторител на масовното убиство да биде предаден само ден по трагедијата.

„Не можам да тврдам дека странски служби се вмешани, но тоа барање пристигна веднаш следниот ден. ‘Не можете да се грижите за тоа дете. Тоа мора да продолжи со некаков живот, предадете ни го’, рекоа. Јас одбив, бидејќи знам колку неправедно би било тоа кон семејствата на убиените деца,“ изјави Вучиќ, додавајќи дека барањето било доставено од претставник на странска земја и една странска служба.