Skip to content
МЗТ Скопје Аеродром вечерва ги почнува настапите во ФИБА Европа купот со домашен натпревар против грчкиот Ираклис. Дуелот во спортскиот центар „Јане Сандански“ започнува во 19 часот и го означува враќањето на македонскиот шампион во европските клупски натпреварувања по повеќе од 25 години.
За навивачите на МЗТ, средбата е можност повторно да следат европска кошарка на домашен терен и да му дадат поддршка на тимот на почетокот од новиот предизвик. Пред натпреварот е најавена и забавна програма пред салата.
„Сино-белите“ во Е-групата ќе се натпреваруваат со Ираклис од Грција, АЕК Ларнака од Кипар, Џики од Полска, Тарту од Естонија и Вурцбург од Германија.
МЗТ во европскиот дуел влегува по победата над Куманово на отворањето на домашното првенство. Ираклис, пак, ја почна сезоната во грчкиот шампионат со пораз.
Домашниот терен и поддршката од трибините ќе бидат важни за скопскиот тим, кој против Ираклис ќе ја бара првата победа во групата.
