Skip to content
Долгоочекуваниот микс-дубл на US Open доживеа голем удар откако италијанскиот тенисер Јаник Синер потврди дека нема да настапи во пар со Катерина Синијакова.
За потсетување, Синер неодамна го предаде финалето во Синсинати против Карлос Алкарас при резултат 5:0, поради здравствени проблеми.
„Не се чувствував добро. Сега имам неколку дена за опоравување, а потоа се враќам на работа. Се надевам дека ќе бидам подготвен. US Open е многу тежок турнир, но истовремено се радувам, бидејќи ги сакам гренд слемовите, тие се клучни во мојата кариера. Во моментов, најважно е опоравувањето“, изјави Синер, потврдувајќи дека нема да игра против Александер Зверев и Белинда Бенчиќ.
Италијанецот додаде дека ќе се посвети на подобрување на својот сервис, со цел да го зголеми процентот на први сервиси и да биде подготвен да влезе во предизвиците во сингл конкуренцијата.
Оваа одлука доаѓа во момент кога Синер повеќе нема целосна контрола во трката за првото место на АТП листата, па неговата форма и резултати во Њујорк ќе имаат пресудна улога во текот на сезоната.
