Ју-Ес Опен оваа година со рекорден награден фонд од 90 милиони долари

Вкупниот награден фонд на Отвореното првенство на САД во Њујорк се зголеми на рекордни 90 милиони долари, објавија организаторите на последниот тениски Гренд слем турнир во сезоната.

Наградниот фонд се зголеми за 20 проценти во споредба со минатогодишниот турнир. Победниците во поединечна конкуренција ќе заработат по пет милиони долари, или 39 проценти повеќе од минатата година. Оние што ќе изгубат во финалето во поединечна конкуренција ќе добијат по 2,5 милиони долари.

Тенисерите кои ќе изгубат во првото коло на Отвореното првенство на САД ќе добијат по 110.000 долари. Отвореното првенство на САД ќе се одржи во Њујорк од 24 август до 7 септември.