Skip to content
Неделата за Пеп Гвардиола започна и заврши со славење. Тренерот на Манчестер Сити ја забележа својата 716. победа на јубилејниот 1.000-ти натпревар во кариерата, откако неговиот тим убедливо го совлада Ливерпул на „Етихад“.
Навивачите пееја во негова чест, а Гвардиола уште еднаш покажа дека има план за следната генерација на својот тим и напад на седмата титула во Премиерлигата.
По тешката мината сезона, обележана со повреди и замор, Сити повторно изгледа освежено. Новите засилувања донесоа свежа енергија, а Гвардиола вели дека чувствува „дека тимот повторно расте секој месец“.
„Кога тимот напредува постојано, тогаш на крај се бори за титула. Имам чувство дека енергијата се врати,“ рече шпанскиот стратег.
Сити сезонава има покриено повеќе километри од кој било друг тим во Премиерлигата (1.268 км), што е за 5,5 км повеќе по натпревар од минатата година.
Првиот гол против Ливерпул дојде по „старомоден центаршут“ од Матеиус Нунеш кон Ерлинг Халанд, кој сега има 14 голови на 11 натпревари.
„Сега сме понепредвидливи во нападот и одбраната. Тоа е добра енергија,“ додаде Гвардиола.
Според поранешниот играч на клубот Недум Онуоха, Гвардиола „се променил драстично во начинот на кој комуницира и управува со тимот“, а Мајкл Браун додаде дека Сити сега знае и „да игра директно кога треба, па дури и да задржи резултат“.
Со 1.000 натпревари зад себе и повеќе од 700 победи, Гвардиола повторно ја има истата енергија со која го револуционизираше англискиот фудбал.
