Aмериканските берзански индекси пораснаа поради трговскиот договор меѓу САД и Кина

Вредноста на американските акции денеска повторно бележи пораст, продолжувајќи го позитивниот тренд како резултат на ублажувањето на трговските тензии меѓу САД и Кина.

По утринското отворање на американските берзи, индексот Дау Џонс порасна за 171 поен, односно за 0,4 отсто, индексот S&P 500 за 0,7 отсто, а Насдак за 1,4 отсто, пренесе CNBC.

Акциите на технолошкиот гигант Нвидиа (Nvidia) денеска скокнаа за повеќе од пет отсто, додека пазарната вредност на Мета се зголеми за над два отсто – исто како и на Нетфликс и Амазон.

Криптовалутите со благ пад, но расположението на инвеститорите останува позитивно

Според податоците од најголемата светска берза за криптовалути Бајнанс (Binance), биткоинот денеска во 15:00 часот забележа благ пад од 0,32 отсто, на вредност од 93.448,75 евра.

Вкупниот обем на тргување со биткоин во последните 24 часа изнесуваше 53,31 милијарда евра, што е повеќе во однос на претходниот ден.

Индексот на „страв и алчност“ за биткоинот денеска се наоѓа на ниво 70 во зоната „алчност“, исто како и вчера, што укажува на стабилно и позитивно расположение меѓу инвеститорите.

Вредноста на итириумот (ETH) е намалена за 0,96 отсто и изнесува 2.278,57 евра.

Бајнанс коин (BNB) падна за 5,06 отсто – на 589,11 евра.

Солана (SOL) се намали за 1,17 отсто – на 157,22 евра.

Аваланш (AVAX) падна за 2,82 отсто – на 22,32 евра.

Криптовалутата на Телеграм, тонкоин (TON) денес се тргува по цена од 2,97 евра, што е 6,9 отсто помалку од вчера.

Најмногу се тргува со биткоин, итириум и солана, додека најголем пораст моментално бележат криптовалутите NEIRO, MUBARAK и FUN.