Skip to content
Белата куќа во средата објави дека Илон Маск ќе остане на функцијата додека не ја заврши задачата на DOGE за намалување на владините трошоци и намалување на бројот на федерални вработени, отфрлајќи ги медиумските извештаи дека наскоро ќе ја напушти таа функција и ќе се врати во приватниот сектор.
Политико и Еј-би-си објавија дека американскиот претседател Доналд Трамп им рекол на членовите на својот кабинет дека Маск наскоро ќе замине и ќе се врати во приватниот сектор, иако не е јасно дали тоа значи дека Маск ќе замине пред крајот на неговиот мандат на крајот на мај.
„Илон Маск и претседателот Трамп јавно кажаа дека Илон ќе се пензионира од јавната служба како специјален вработен во владата штом ќе заврши неговата неверојатна работа во DOGE“, изјави портпаролката на Белата куќа Каролин Левит.
Маск минатата недела изјави за Фокс њуз дека верува дека ќе постигне поголем дел од својата цел да ги намали 1 трилион долари од федералните трошоци до крајот на неговиот 130-дневен мандат.
Речиси 200.000 вработени се отпуштени, ќе бидат отпуштени или прифатиле отпремнина.
Ова доведе до вандализирање на дилерите на автомобили на Tesla во САД и ширум светот, а национален протест против DOGE и агендата на Трамп е планиран за сабота.
Кога бше формиран Одделот за владина ефикасност (DOGE) предводен од Маск, беше објавено дека ќе трае до 4 јули 2026 година.
