Skip to content
Глобалните цени на кафето продолжуваат да растат, а производителите се борат да одржат квалитет и непречено снабдување на пазарот без дополнително оптоварување на потрошувачите. Со оглед на тоа што цената на робуста скокна за цели 227 отсто, а на арабика за над 70 отсто за помалку од една година, прашање е како пазарот ќе се прилагоди на овие промени.
Светот се соочува со сериозни предизвици во снабдувањето со кафе. Климатските промени, геополитичките превирања и логистичките проблеми се само дел од факторите кои влијаат на недостигот и растот на цените. Последиците се чувствуваат на локално ниво и подеднакво ги погодуваат и големите и малите производители.
Побарувачката е поголема од глобалната понуда
Цените на кафето растат поради голем број сложени фактори. Климатските промени ги погодуваат клучните производни региони, додека прекините на синџирот на снабдување и политичката нестабилност ја отежнуваат дистрибуцијата. Глобалната побарувачка ја надминува понудата, велат аналитичарите од агробизнисот.
Адаптацијата како решение
Бидејќи климатските промени не се краткотрајни, се очекува тие да бидат еден од клучните фактори кои сериозно ќе го загрозат производството на кафе во најважните региони во наредната година. Аналитичарите се согласуваат – прашањето за прилагодување на тие промени станува неспорно.
И други трендови се дека кафето се гледа како пијалок што може да има придобивки за нашиот секојдневен живот. Истражувањата на таа тема се уште се во тек, но статистичарите веќе забележуваат промени и на тоа поле.
Припадниците на помладите генерации претпочитаат кафе пред други пијалоци, без разлика дали се уморни, имаат деловен состанок или едноставно имаат ритуал. Бидејќи не можеме да влијаеме на светските трендови, она што не очекува е дека ќе мора да платиме малку повеќе за кафе за да продолжиме да уживаме.
