Десетици илјади Словаци протестираа против премиерот Фицо на годишнината од Кадифената револуција

Десетици илјади граѓани во Словачка во понеделник протестираа против популистичкиот премиер Роберт Фицо и неговиот прорускки став, искористувајќи ја годишнината од Кадифената револуција од 1989 година, која стави крај на децениска комунистичка власт во поранешна Чехословачка.

Протестни собири и маршеви се одржаа во десетици словачки градови. На главниот собир во Плоштадот на слободата во главниот град Братислава, каде што врнеше дожд, демонстрантите извикуваа: „Доста ни е од Фицо“, „Сакаме промени“ и „Оставка“.

Премиерот Роберт Фицо, кој во последно време предизвикува реакции поради неговата надворешна политика наклонета кон Москва, се соочува со растечки отпор во јавноста, а протестите се совпаднаа со симболичното одбележување на борбата за слобода и демократија од 1989 година.