Skip to content
Ненадејните, интензивни поројни дождови над мали области се сè почести во Утаракханд, хималајски регион склон кон лизгање на земјиштето за време на сезоната на монсуните. Овие дождови имаат потенцијал да предизвикаат хаос со предизвикување интензивни поплави и лизгање на земјиштето, што влијае на илјадници луѓе во планинските региони.
Спасувачи се обидуваат да пронајдат преживеани во хималајско село во северна Индија меѓу десетиците исчезнати лица, еден ден откако ненадејни поплави убија најмалку четири лица, а многу други оставија заробени под урнатините. Поплавите беа предизвикани од интензивните дождови, кои предизвикаа хаос во Дарали, планинско село во државата Утаракханд, уништувајќи куќи, патишта и локален пазар.
Екипи на армиски и спасувачки сили за катастрофи се во потрага по десетици исчезнати, вклучувајќи најмалку 11 војници на индиската армија, за кои се верува дека се заробени под урнатините. Властите соопштија дека спасувачите пронашле четири тела.
„Потрагата по другите сè уште е во тек“, рече Дилип Синг, службеник за управување со катастрофи и нагласи дека досега најмалку 60 лица се спасени и преместени на побезбедни локации, но лошите временски услови, оштетените патишта и нерамниот терен ги попречуваат напорите за спасување.
Кампот на индиската армија во Харсил, на околу 7 километри од поплавеното село Дарали, исто така беше погоден од ненадејни поплави, а 11 припадници на армијата се водат како исчезнати, изјави полковник Харшвардан, кој ги водеше спасувачките напори.
Поплавите во северна Индија се најнови во низата катастрофи што ги погодија Хималајските планини во последните неколку месеци.
Ненадејните, интензивни поројни дождови над мали области се сè почести во Утаракханд, хималајски регион склон кон лизгање на земјиштето за време на сезоната на монсуните. Овие дождови имаат потенцијал да предизвикаат хаос со предизвикување интензивни поплави и лизгање на земјиштето, што влијае на илјадници луѓе во планинските региони.
Слични инциденти се регистрирани во Дарали во 1864, 2013 и 2014 година, кога загинаа повеќе од 6.000 луѓе. Експертите велат дека дождовите се зголемиле во последните години делумно поради климатските промени, додека штетите се зголемиле поради непланираниот развој во планинските региони.
Извор: Мета.мк
