Девет мртви и 25 ранети во пукотница во училиште и куќа во Канада

Најмалку девет лица се мртви и 25 ранети, од кои двајца потешко, е исходот од масовното пукање во средно училиште во градот Тамблер Риџ во Британска Колумбија, Канада.

Полицијата пронајде шест мртви во училиштето, седмата жртва почина на пат кон болницата, а уште две тела беа пронајдени во куќа во близина на училиштето.

Напаѓачот е исто така мртов, а полицијата соопшти дека повредите се самонанесени.

Досега, полицијата не го објави идентитетот на жртвите и напаѓачите, ниту нивните возрасти.

Властите велат дека го знаат идентитетот на напаѓачот, но не го објавија неговото име или пол.

Пукањето се случило околу 13:20 часот по локално време.

Иако беше издадено предупредување за безбедноста на јавноста, осомничениот беше опишан како „жена со кафеава коса во фустан“.

Канадскиот премиер Марк Карни го откажа планираното патување во Германија, велејќи дека е „скршен од ужасното пукање“.

Во училишниот комплекс се наоѓаат основно и средно училиште, од кои беа евакуирани околу 1.000 ученици и наставници.

Градот Тамблер Риџ, каде што живеат околу 2.400 луѓе, е оддалечен околу 1.200 километри од Ванкувер и е близу до границата со Алберта. Познат е по рудниците за јаглен и водопадите.