Дигиталното евро ги подели банките и политичарите во ЕУ

Европската централна банка (ЕЦБ) го турка проектот за дигитално евро – електронска верзија на валутата што би била поддржана директно од ЕЦБ и би имала иста вредност како готовината. Иако идејата е да се обезбеди европска алтернатива на „Мастеркард“, „Виза“ и американските технолошки гиганти, иницијативата предизвикува жестоки реакции меѓу банки и десничарски политичари во ЕУ.

Клучниот спор се води околу прашањата за приватност, можноста за надзор на плаќањата и потенцијалното нарушување на банкарскиот систем. „Дигиталното евро е ‘нуклеарна закана’ која ќе нè принуди да најдеме друго решение за прекугранични плаќања“, изјави шпанскиот пратеник Фернандо Наварете, задолжен за преговорите во Европскиот парламент.

Од друга страна, ЕЦБ предупредува дека доколку Унијата не дејствува, ризикува да стане зависна од странски играчи и стабилкоини врзани за американскиот долар, дополнително зајакнати со законот „Genius Act“ на претседателот Доналд Трамп.

Очекувањата се Советот на ЕУ да ја дефинира својата позиција до крајот на годината, но Европскиот парламент нема да гласа за конечната верзија на законот пред мај 2026. Според досегашните процени, дигиталното евро нема да стане реалност пред 2028 година.