Skip to content
Русија ноќеска изврши нов напад врз јужниот украински град Одеса, при што дрон удри во станбена зграда од 21 кат, предизвикувајќи пожар и човечки жртви. Според украинската Државна служба за вонредни состојби, загинаа две лица, а 14 се повредени, меѓу кои и три деца.
Пожарот избувнал на седмиот, осмиот и деветтиот кат, заробувајќи жители во нивните станови. Екипите за итна помош успеале да спасат петмина, меѓу кои и едно мало дете.
Гувернерот на регионот Одеса, Олех Кипер, соопшти дека жртвите се брачен пар, чии тела биле извлечени од урнатините на погодениот облакодер.
Одеса, важен пристанишен град на брегот на Црното Море со околу еден милион жители, е под постојан удар од руските сили уште од почетокот на инвазијата. Во изминатите месеци, особено во мај и јуни, се забележува драматичен пораст на ракетни и дрон-напади врз украински градови.
