Skip to content
Двајца мажи биле пронајдени мртви во оддалечена шума додека трагале по Саскуч, исто така познат како Бигфут, според соопштението на властите во државата Вашингтон, пренесе Би-Би-Си.
Двајцата мажи од Портланд, Орегон, беа пронајдени мртви по тридневната потрага започната на Божиќ, откако член на семејството пријавил дека парот не се вратил од патување во Националната шума Гифорд Пинчот за да бара доказ за митското влакнесто суштество.
Во потрагата биле вклучени повеќе од 60 доброволци кои пребарувале со авиони и кучиња низ густиот шумски терен и во брутално студени временски услови, се вели во соопштението на Канцеларијата на шерифот на округот Скаманија.
„Изгледа дека и двате смртни случаи се должат на изложеност, врз основа на временските услови и лошата подготвеност“, се вели во соопштението.
Канцеларијата на шерифот пронашла автомобил на жртвите во близина на градот Вилард, се вели во соопштението, а потрагата повторно била фокусирана на тоа подрачје. Беа користени и беспилотни летала, а во потрагата бил повикан и хеликоптер на крајбрежната стража.
Официјалните лица не ги соопштија имињата на двете жртви, на возраст од 37 и 59 години.
Временските услови во планините Каскада беа студени деновите пред и за време на потрагата, што вклучуваше снег, замрзнат дожд и температури под нулата.
Спасувачите мораа да се борат и со високите нивоа на водата во реките и паднатите дрвја.
Стотици трагачи по Саквач се забележани во северозападниот дел на Пацификот на САД и западна Канада.
Заедно со чудовиштето од Лох Нес, Саквач или Бигфут е едно од најпознатите криптиди во светот како што се нарелуваат суштества чие постоење е спорно или непоткрепено од науката.
Имаше толку многу потраги по Саквач/Бигфут што некои заедници презедоа мерки за да го „заштитат“ влакнестото митско суштество.
Во округот Скаманија, каде што двајцата исчезнаа, едно лице може да добие една година затвор или парична казна од 1.000 долари ако едно од фолклорните суштества биде „повредено“.
