Skip to content
Американскиот Национален фонд за зачувување на историски споменици поднесе тужба против претседателот на САД, Доналд Трамп, обвинувајќи го дека го забрзал проектот за изградба на нова балска сала во Белата куќа без неопходни проверки, законски процедури и одобрение од Конгресот.
Во поднесокот до федералниот суд, организацијата бара стопирање на проектот сè додека не се изврши целосна ревизија на архитектонскиот дизајн и не се добие официјална согласност од законодавната власт.
Фондот тврди дека Трамп прекршил повеќе федерални закони меѓу нив Законот за административни постапки и Законот за национална политика за заштита на животната средина со тоа што ја забрзал реализацијата без јавна процедура и без потребните еколошки оценки.
Покрај тоа, согласно тужбата, Трамп ги надминал своите уставни овластувања бидејќи проектот не бил поднесен за разгледување и одобрување во Конгресот, иако станува збор за значајна интервенција врз објект од национално значење.
Контроверзиите околу градежните зафати во Белата куќа се продлабочија откако Трамп без стандардни постапки го урна источниот дел од објектот и ги отпушти првичните архитекти задолжени за новата сала.
Планираната балска сала, според извештаите, би била речиси двојно поголема од оригиналната Белата куќа пред рушењето на источниот анекс.
Трамп пак изјави дека Белата куќа „предолго чека“ на балска сала и дека проектот е неопходен.