Skip to content
Естонскиот Парламент го одобри денеска Законот за легализирање на истополовите бракови, со што Естонија стана првата централноевропска земја што го направила тоа.
Истополовите бракови се легални во поголемиот дел од Западна Европа, но не и во земјите од Централна Европа кои некогаш беа под комунистичка власт и членки на Варшавскиот пакт предводен од Москва, а сега се членки на НАТО и повеќето на ЕУ.
„Мојата порака (до Централна Европа) е дека тоа е тешка борба, но бракот и љубовта се нешто што треба да го промовирате. Ние се развивме многу во 30-те години откако се ослободивме од (советската) окупација. Ние сме еднакви со земјите кои споделуваат исти вредности“, рече премиерката на Естонија, Каја Калас по гласањето.
Предлог-законот доби 55 од 101 глас во Парламентот, од коалицијата на либерални и социјалдемократски партии што Калас ги собра по убедливата победа на изборите во 2023 година.
Законот ќе стапи на сила во 2024 година.
Во главно секуларната балтичка земја со 1,3 милиони жители, 53 отсто од населението ги поддржало истополовите бракови во истражувањето на Центарот за човекови права во 2023 година. Пред десет години, 34 отсто ги поддржале истополовите бракови.
