Skip to content
Европската унија планира да го блокира увозот на одредени видови прехранбени производи кои не се произведуваат според европските стандарди во обид да ги заштити европските земјоделски производители, пишува денеска „Фајненшл тајмс“ (ФТ).
Британскиот весник наведува дека оваа мерка потсетува на трговската политика што ја спроведува американскиот претседател Доналд Трамп, пренесува Ројтерс.
Европската комисија најави дека следната недела ќе се разгледаат построги ограничувања за увоз на одредени прехранбени производи, потврдија за ФТ тројца неименувани европски претставници запознаени со ова прашање, пренесува Танјуг.
Како што наведуваат, првиот сет на мерки би можел да вклучи земјоделски производи од САД, како што се сојата одгледувана со пестициди кои европските земјоделци не смеат да ги користат.
