Skip to content
Европската унија разгледува можност да го класифицира етанолот како супстанца што може да предизвика малигни заболувања, односно како потенцијално канцерогена.
Како што објави Фајненшл тајмс, етанолот е состојка што се користи во голем број производи – од средства за дезинфекција на раце и средства за чистење, до различни индустриски препарати.
Според внатрешна препорака од 10 октомври, подготвена од една од работните групи на Европската агенција за хемикалии (ECHA), етанолот е означен како токсична супстанца што може да го зголеми ризикот од рак и да предизвика компликации во текот на бременоста.
Документот препорачува постепено повлекување и замена на етанолот со побезбедни алтернативи во средствата за чистење и други производи.
Комитетот за биоцидни производи при ECHA ќе заседава меѓу 25 и 28 ноември, кога ќе формулира официјална препорака до регулаторните тела на ЕУ. Конечната одлука за евентуална забрана или рестрикција на употребата на етанолот ќе ја донесе Европската комисија.
