Фон дер Лајен: Европа подготвена за разговори со САД

Претседателката на Европската комисија, Урсула фон дер Лајен, оствари телефонски разговор со американскиот претседател Доналд Трамп во врска со неговата најава за воведување тарифи од 50 проценти на увозот од Европската унија, почнувајќи од 1 јуни.

Во соопштение објавено на платформата Икс, Фон дер Лајен го оцени разговорот со Трамп како „добар“ и потенцираше: „ЕУ и САД имаат најзначајни и најтесни трговски односи во светот.“

„Европа е подготвена за брзи и одлучни разговори“, додаде таа, истакнувајќи дека за постигнување на квалитетен договор ќе биде потребно време до 9 јули – крајниот рок претходно одреден од Трамп.

Во петокот, американскиот претседател ја изрази својата незадоволство од напредокот на преговорите со ЕУ и се закани со моментално воведување на царини од 1 јуни.

Еврокомесарот за трговија, Марош Шефчович, во саботата изјави дека Унијата „работи со добра волја“ за постигнување фер трговски договор со САД, „врз основа на заемна почит, а не закани“.