Skip to content
Додека војната меѓу Русија и Украина сè уште трае, најновата ескалација на насилство меѓу Иран и Израел ги вознемири светските сили и внесе дополнителна нестабилност во глобалната безбедносна и економска слика. Освен што предизвикува човечки жртви и политички последици, конфликтот се заканува да има сериозни последици и врз глобалниот енергетски пазар.
Имено, според повеќе извори, израелски напади викендов погодиле неколку важни енергетски објекти во Иран, вклучително и најголемото нафтено и гасно постројка во земјата. Ваквите настани веќе се рефлектираат на светските берзи, а цената на нафтата се зголеми за околу 8% во петокот, достигнувајќи приближно 75 долари за барел.
Аналитичарите предупредуваат дека понатамошна ескалација може да доведе до затворање на Хормускиот Проток – клучната транспортна рута низ која поминува значителен дел од светската нафта. Доколку дојде до затворање или ограничување на сообраќајот во овој коридор, светот би можел да се соочи со сериозен проблем во снабдувањето со нафта и со нов ценовен скок.
Иако некои меѓународни организации тврдат дека моментално нема сериозен проблем со резервите на нафта, пазарите реагираат чувствително. Трговците со сурова нафта и инвеститорите внимателно ја следат состојбата, бидејќи ваквите кризни ситуации често носат зголемена нестабилност – но и можности за добивка за оние кои соодветно ќе реагираат.
Се очекува дека во наредните денови политичките и економските пресврти ќе бидат значителни, а геополитичките тензии, за жал, сè повеќе се одразуваат и врз финансиската стабилност во светот.
