Германија ќе испрати 60 наведувани ракети ИРИС-Т во Украина

Германија треба да и испорача дополнителни 60 наведувани ракети ИРИС-Т на Украина за да ги зајакне своите капацитети за воздушна одбрана против руските напади, дознава ДПА.

Испораката вредна 60 милиони евра (61,8 милиони долари) треба да се повлече од залихите на германските вооружени сили или Бундесверот.

Одлуката доаѓа по посетата на германскиот министер за одбрана Борис Писториус на Киев, каде што во вторникот разговараше со украинскиот претседател Володимир Зеленски.

Министерот за одбрана го увери Зеленски за континуираната поддршка на Германија по претстојните парламентарни избори на 23 февруари.

Писториус, исто така, рече дека се надева оти Германија ќе најде начин да обезбеди дополнителни 3 милијарди евра за Украина. Преговорите за помошта се во тек бидејќи Германија во моментов е без фиксен буџет за 2025 година по колапсот на тристраната владина коалиција, што ги поттикна претстојните избори.

„Ова е само фискален проблем на Владата што треба да го решиме. И работиме на тоа“, рече тој и додаде дека е оптимист дека ќе се најде решение.